სანაძის 11 ქულა და გამარჯვება “სან ფრანცისკოსთან”

დუდა სანაძის წარმატებული მატჩი ამერიკის სტუდენტურ ლიგაში. ქართველმა უკანახაზელმა 21 წუთში 11 ქულა მოაგროვა და თავის გუნდს „ვესთ ქოუსთის“ კონფერენციის ერთ-ერთი ლიდერი „სან ფრანცისკო“ 77:69 დაამარცხებინა.
დუდა სასტარტო ხუთეულში იყო და 21 წუთში 11 ქულა, 6 მოხსნა და 3 პასი მოაგროვა. ქართველმა კალათბურთელმა 5-დან 3 ორქულიანი და 5-ვე საჯარიმო ჩააგდო, სამქულიანი ააცილა, ბურთი ერთხელ დაკარგა და 4 პერსონალური ფოლი მიიღო.
მასპინძელთაგან სანაძეზე შედეგიანები ჯონი დი (20 ქულა) და ვასა პუსიკა (16 ქულა) იყვნენ.
“ტორეროსმა” 5 მოგება და 6 მარცხი მოაგროვა და “ვესთ ქოუსთის” დივიზიონში მე-5 ადგილზე გადაინაცვლა. 5 თებერვალს, დუდას კლუბი “ლოიოლ მერიმენტ ლაიონს” დაუპირისპირდება.