სანიკიძე მწყობრშია და სიენას გასვლით გამარჯვებაში დაეხმარა

ერთი მატჩის ტრავმის გამო გაცდენის შემდეგ ვიქტორ სანიკიძე მოედანზე გამოჩნდა. საქართველოს ნაკრებისა და იტალიური „სიენას“ ფორვარდმა სტუმრად, „მონტეგრანაროს“ წინააღმდეგ 18 წუთი ითამაშა და 4 ქულა მიითვალა.
 
სიენელებმა მეტოქე დაძაბულ ბრძოლაში – 94:90 დაამარცხეს. სანიკიძე თამაშში სათადარიგოთა სკამიდან ჩაერთო და მოედანზე, როგორც ვთქვით, 18 წუთი გაატარა და 4 ქულა დააგროვა. სანიკიძემ 3-დან 2 ორიანი ჩააგდო, 1 სამიანი კი ააცილა. სიენელთა შორის 17 ქულით საუკეთესო დევიდ მოსი გახლდათ, ხოლო კრისტიან კანგურმა 16 მოაგროვა.
 
18 მოგებითა და 11 მარცხით „სიენა“ სერია „ა“-ში მე-5 ადგილზეა. რგულარული ჩემპიონატის ბოლო ტურში, 5 მაისს, „სიენა“ „დინამო სასარის“ უმასპინძლებს.