ვიქტორ სანიკიძის „სიენამ“ იტალიის ჩემპიონატის ფინალური სერია გამარჯვებით გახსნა, რითაც მეტოქე „აცეა რომას“ მოედნის უპირატესობა აართვა. სიენელები მთელი თამაშის განმავლობაში ლიდერობდნენ და საბოლოოდ 9 ქულის სხვაობით – 85:76 გაიმარჯვეს.
ქართველი ფორვარდი, რომელმაც ნახევარფინალური სერიის წინა მატჩებში უმნიშვნელო დროით ითამაშა, ამჯერად 18 წუთით დასაქმდა. სანიკიძე სასტარტო ხუთეულში გამოჩნდა და ძირითადად დაცვითი ფუნქციებით იყო დაკავებული. საქართველოს ნაკრების წევრმა 3-დან 1 ორქულიანი ჩააგდო თითო სამიანი და საჯარიმო კი ააცილა. სანიკიძის ანგარიშზე 2 ქულა, 5 მოხსნა და 1 ჩაჭრა იყო.
„სიენას“ ტრადიციულად სამმა კალათბურთელმა – დევიდ მოსმა (20 ქულა), დანიელ ჰაკეტიმ (18 ქულა, 10 პასი) და ბობი ბრაუნმა (17 ქულა) ულიდერა. რომაელთაგან 17 ქულით საუკეთესო იყო განი ლავალი, ფილ გოსმა კი თავისიანებს 16 ქულა შესძინა.
4 მოგებამდე მიმდინარე ფინალური სერიის მომდევნო შეხვედრა ისევ რომში, 13 ივნისს გაიმართება.
