საქართველოს ნაკრები ავსტრიაში გაემგზავრა

საქართველოს კალათბურთელთა ეროვნული ნაკრები ვენაში, ავსტრიასთან მსოფლიო ჩემპიონატის შესარჩევი ტურნირის მატჩის სათამაშოდ გაემგზავრა. ეროვნული ნაკრების კალათბურთელები თბილისის აეროპორტიდან ვენის მიმართულებით ჩარტერული რეისით, 10:20 საათზე გაემგზავრნენ. 

ნაკრებში გამოძახებული 12 წევრიდან თბილისიდან ვენაში 11 კალათბურთელი გაემგზავრა. მაიკლ დიქსონი გუნდს ავსტრიაში შეუერთდება. ილიას ზუროსს ვენის არენაზე ვარჯიში დღეს, 18:00 საათზე აქვს დაგეგმილი. საქართველოს ეროვნული ნაკრების წევრები ვენაში ადგილობრივი დროით 11:00 საათზე ჩაფრინდებიან და საღამოს ვარჯიშისთვის დაისვენებენ.