საქართველოსა და ჩეხეთის ნაკრებების მატჩზე დასასწრები ბილეთები 8 აგვისტოდან გაიყიდება

10 აგვისტოს, საქართველოსა და ჩეხეთის მატჩზე დასასწრები ბილეთები თბილისის სპორტის სასახლის სალაროებში 8 აგვისტოდან გაიყიდება. ევროპის 2015 წლის ჩემპიონატის შესარჩევი ტურნირის მატჩზე დასასწრები ბილეთები 5, 10 და 15 ლარი ეღირება.
სპორტის სასახლის სალაროები 11:00-დან 19:00 საათამდე იმუშავებენ. პირველი იარუსის ბილეთები 15 ლარი ეღირება, ხოლო მეორე იარუსის – 5 და 10 ლარი. ფანებისთვის გამოყოფილი იქნება ცალკე სექტორი და ვინც სპორტის სასახლეში სპეციალური ატრიბუტიკითა და ქართველთა აქტიურად საქომაგოდ მიდის, ფან-ზონის ბილეთების შეძენა შეეძლებათ. ფან-ზონა განთავსებული იქნება მე-2 იარუსზე, მე-3 სექტორში.