შენგელია “ვილერბანთან” ბრძოლაში წაგებულ მატჩშიც საუკეთესო იყო

თორნიკე შენგელია ევროლიგაში წარმატებულ თამაშს აგრძელებს, თუმცა მისი “ბასკონია” ყოველთვის მოგებული ვერ რჩება. მე-5 ტურის მატჩში ბასკონიელები ფრანგულ “ვილერბანს” ესტუმრნენ და დაძაბულ ბრძოლაში – 63:66 დამარცხდნენ. 

ბასკონიელოთა ქართველი კაპიტანი სასტარტო ხუთეულში იყო. შენგელიამ 30:18 წუთში 17 ქულა (საუკეთესო მაჩვენებელი მატჩში) ჩააგდო, მისი მარგი ქმედების კოეფიციენტი 25 იყო, რაც თამაშში საუკეთესო შედეგია ვილერბანელ ტონი ჯეკირისთან ერთად. თოკომ 17 ქულას 7 მოხსნა, 2 პასი და 1 ბლოკი დაუმატა.

2 მოგებითა და 3 მარცხით “ბასკონია” “პანატინაიკოსთან” 11-12 ადგილებს იყოფს. მე-6 ტურის მატჩს შენგელიას გუნდი 2 ნოემბერს, შინ, გერმანულ “ბაიერნთან” გამართავს.