შერმადინი ტენერიფეს საკონტინენტთაშორისო თასის მოგებაში 18 ქულით დაეხმარა

გიორგი შერმადინის “ტენერიფე” საკონტინენტთაშორისო თასის ფინალში ბოლონიის “ვირტუსს” დაუპირისპირდა. შეხვედრა მასპინძელი კანარელების უპირატესობით წარიმართა და მათივე გამარჯვებით დასრულდა – 80:72.

საქართველოს ნაკრებისა და “ტენერიფეს” ცენტრმა გიორგი შერმადინმა 26 წუთი ითამაშა, 18 ქულა, 7 მოხსნა და 1 ჩაჭრა მოინაგრა. მისმა თანაგუნდელმა მარსელინიო უერტასმა 23 ქულას მოუყარა თავი და შეჯიბრების საუკეთესო კალათბურთელადაც დასახელდა.

დაჯილდოების ცერემონიალზე მარსელინიომ ბრაზილიის დროშა სემოიხვია, გიორგიმ – საქართველოსი და ასე იზეიმეს მეტად საპატიო თასის აღება.