შერმადინის 13 ქულა პერისტერისთან და ტენერიფეს განაღდებული პირველი ადგილი

გიორგი შერმადინის ლენოვო ტენერიფემ ფიბა-ს ჩემპიონთა ლიგის მორიგი მატჩი  მოიგო და მომდევნო ეტაპის საგზურ გაინაღდა. ესპანურმა კლუბმა ბერძნულ პერისტერის უმასპინძლა და მეტოეს 26 ქულით – 86:60 აჯობა.

ქართველმა ცენტრმა არასრულ 22 წუთში 13 ქულა, 4 მოხსნა, თითო პასი, ჩაჭრა და დაფარება დააგროვა. გიორგიმ 7-დან 4 ორქულიანი და 6-დან 5 საჯარიმო ჩააგდო, რის შედეგადაც მისი მარგი ქმედების კოეფიციენტი 15 იყო. გიორგიზე უკეთესი შედეგი ესპანურ გუნდში ფრან გუერამ აჩვენა, რომლის ანგარიშზე 15 ქულაა.

ლენოვო ტენერიფემ, რომელიც ტურნირის მოქმედი ჩემპიონია, H ჯგუფში 4 მოგებით და 1 წაგებით პირველი ადგილი უკვე გაინაღდა, ბოლო ტურში კი 21 დეკემბერს, სტუმრად ლიეტუვურ რიტასს დაუპირისპირდება. შეგახსენებთ, რომ ამჯერად ჩემპიონთა ლიგაში არსებული 32 გუნდიდან მეორე ჯგუფურ ეტაპზე 16 საუკეთესო ითამაშებს.