შერმადინის ტენერიფემ ბერძნული პერისტერი იოლად დაამარცხა

ფიბა-ს ჩემპიონთა ლიგის გასული წლის ფინალისტმა და შარშანწინანდელმა ჩემპიონმა “ტენერიფემ” სიჩქარე აკრიფა. ტურნირის მეორე ჯგუფურ ეტაპზე გიორგი შერმადინის გუნდმა ზედიზედ მეორე გამარჯვება მოიპოვა. „ტენერიფემ“ ბერძნულ „პერისტერის“ უმასპინძლა და დამაჯერებლად გაიმარჯვა – 89:68.

გიორგი მწვრთნელმა ზედმეტად არ დატვირთა: 17 წუთში ქართველმა 8 ქულა, 1 მოხსნა და 1 პასი დააგროვა. მან 3-დან 3 ორქულიანი და 2-დან 2 საჯარიმო ჩააგდო. 26 ქულით მატჩის ბომბარდირი კაილ გაი გახდა.

„ტენერიფესა“ და იერუსალიმის „ჰაპოელს“ 2-2 მოგება აქვთ, ხოლო „პერისტერი“ და „კარშიაკა“ ჯერაც გამარჯვების გარეშე არიან. მომდევნო ტურში, 7 თებერვალს შერმადინის გუნდი იერუსალიმში ითამაშებს.