საიტზე მიმდინარეობს ტექნიკური სამუშაოები

ცინცაძის ორმაგი დუბლი და ქართველების გასვლითი გამარჯვება ყატარში

ცინცაძის ორმაგი დუბლი და ქართველების გასვლითი გამარჯვება ყატარში

დაძაბულ, გავლით მატჩში გიორგი ცინცაძისა და მიხეილ ბერიშვილის “ალ შამალმა” “ალ ხორი” 80:78 დაამარცხა და ყატარის ჩემპიონატში ლიდერობა შეინარჩუნა.

გამარჯვებაში მნიშვნელოვანი წილი დაიდეს ქართველებმა, განსაკუთრებით კი – გიორგი ცინცაძემ, რომელმაც ორმაგი დუბლი მიითვალა. მისმა მონაგარმ 18 ქულა, 10 პასი, 3 მოხსნა და 2 პასი შეადგინა. საქართველოს ნაკრების უკანახაზელმა 5-დან 4 ორქულიანი, 9-დან 3 სამქულიანი და 1 საჯარიმო ჩააგდო, მხოლოდ ერთხელ შეცდა და 1 პერსონალური ფოლი მიიღო.

შედეგად, ცინცაძის სარგებლიანობის კოეფიციენტი 24-ს გაუტოლდა და ის სტუმართა რიგებში მხოლოდ ყატარელ მოჰამედ ჰარატს (34) ჩამორჩა, რომელმაც 25 ქულა და 18 მოხსნა მოაგროვა.

რაც შეეხება ბერიშვილს, მან მოედანზე 37 წუთი გაატარა და გუნდს 10 ქულა, 3 მოხსნა და 2 პასი შესძინა. მიშამ 9-დან 3 სამქულიანი და 2-დან 1 საჯარიმო გამოიყენა, ორქულიანი ააცილა, ბურთი ერთხელ დაკარგა, მის წინააღმდეგ თამაშის წესები ერთხელ დაირღვა, მოედანი კი 5 პერსონალური ფოლის მიღების მერე დატოვა.

“ალ შამალი” ყატარის პირველობას “ალ სადთან” მხარდამხარ ლიდერობს, მომდევნო მატჩს კი 12 იანვარს, შინ, აშკარა აუტსაიდერ “ალ რაიანთან” გამართავს.