ცინცაძის “როკმა” ევროჩელენჯი შვეიცარიაში დამარცხებით გახსნა

წარუმატებლად დაიწყო ფიბა–ევროპის ტურნირი გიორგი ცინცაძის „ტარტუ როკმა“. ესტონური გუნდი შვეიცარიაში „ლუგანოს“ შეხვდა და 61:73 დამარცხდა.
ესტონური კლუბის ქართველმა გამთამაშებელმა 24:34 წუთში 10 ქულა, 4 მოხსნა, 3 პასი და 1 ჩაჭრა მოაგროვა. გიორგიმ 7-დან 3 ორქულიანი, 5-დან 1 სამქულიანი და 2-დან 1 ჯარიმა გამოიყენა, ბურთი ერთხელ დაკარგა და 2 პერსონალური ფოლი მიიღო.
C ჯგუფის მე-2 შეხვედრაში ბულგარულმა “ლუკოილ აკადემიკმა” პორტუგალიური “ბენფიკა” 92:71 დაამარცხა. მომდევნო ტურში, რომელიც  23 ნოემბერს გაიმართება, „როკი“ „ლუკოილ აკადემიკს“ უმასპინძლებს.