ცქიტიშვილის შთამბეჭდავი ორმაგი დუბლი და გამარჯვება დამატებით დროში

ნიკოლოზ ცქიტიშვილი ლიბანის ჩემპიონატში შეუდარებელია. ქართველმა ფორვარდმა მორიგ ტურში „ბიბლოსის“ წინააღმდეგ მატჩში 31 ქულა და 12 მოხსნა მოაგროვა, მისმა „ჩემპვილმა“ კი 93:86 იმარჯვა. შეხვედრის ბედი დამატებით დროში
 
ცქიტიშვილმა მოედანზე 36 წუთი გაატარა და მატჩის საუკეთესო მოთამაშე გახდა. ნიკამ 10-დან 9 ორქულიანი, 6-დან 4 სამიანი და 1-დან 1 საჯარიმო ჩააგდო. 31 ქულასა და 12 მოხსნასთან ერთად ქართველ ფორვარდს 1 პასი და 2 დაფარებაც დაუგროვდა, ბურთი კი 4-ჯერ დაკარგა. „ჩემპვილში“ გამორჩეული იყო ლიბანური კალათბურთის ლეგენდა ფადი ხატიბი, რომელიც 30 ქულითა და 12 მოხსნით ცქიტიშვილს ოდნავ ჩამორჩა.
 
ამ გამარჯვებით „ჩემპვილი“ ცხრილში მე-3 ადგილზე აღზევდა. ცქიტიშვილის გუნდ 10 მოგება და 4 მარცხი აქვს. მომდევნო მატჩი ჩემპვილელებს 17 თებერვალს, „მუტაჰედთან“ ელის.