ზაზა ფაჩულიამ 22 ქულა დააგროვა

“ატლანტა ჰოქსის” რიგებში 22 ქულით საუკეთესო ზაზა ფაჩულია იყო, თუმცა საქართველოს ნაკრების ლიდერის შესანიშნავი თამაში “კლივლენდ კავალიერსის” დასამარცხებლად საკმარისი არ გამოდგა და ჯორჯიელები შინ 76:89 დამარცხდნენ. ფაჩულიამ თამაშიდან 14-დან 9 ტყორცნა გამოიყენა და შეხვედრა 7 მოხსნით, 3 ჩაჭრითა და 2 შედეგიანი გადაცემით ჩაამთავრა. 27 შეხვედრის შემდეგ “ატლანტას” აქტივში მხოლოდ 9 გამარჯვებაა. გუნდი სამხრეთ-აღმოსავლეთის დივიზიონში მეოთხე ადგილზე იმყოფება. “კლივლენდში” 27 ქულით ყველაზე შედეგიანი ლებრონ ჯეიმსი იყო.