ზურაბ საკანდელიძე-მიხეილ ქორქიას მემორიალი 20 დეკემბერს დაიწყება

საკალათბურთო სუპერლიგის 2013  წელი  ზურაბ-საკანდელიძისა და მიხეილ ქორქიას მემორიალით დასრულდება.  აღნიშნული ტურნირი სუპერლიგის პირველის წრის დასრულების შემდეგ, 20 დეკემბერს  დაიწყება და  24 დეკემბრამდე გასტანს.   

მემორიალის მოსაპოვებლად 6 გუნდი იბრძოლებს: არმია, ოლიმპი,  რუსთავი, სოხუმი, დინამო და შსს აკადემია. ვინაიდან  ტურნირში მონაწილეობა ნებაყოფლობითია, 3 გუნდმა მემორიალში თამაშზე უარი განაცხადა – მაქაბი, ქუთაისი, ბათუმი.
მონაწილე გუნდები 2 ქვეჯგუფში სუპერლიგის პირველი წრის ცხრილის მიხედვით გადანაწილდნენ.
გუნდები ერთ წრედ ითამაშებენ და ფინალში ჯგუფების გამარჯვებულები შეხვდებიან.  2-3 ადგილზე გასული გუნდები 3-4 ადგილებისთვის იბრძოლებენ, ხოლო მესამე ადგილზე გასული გუნდები – 5-6 ადგილებისთვის.   

ზურაბ საკანდელიძისა და მიხეილ ქორქიას მემორიალს ვაკეში მდებარე საკალათბურთო აკადემიის დარბაზი უმასპინძლებს.    

საკალათბურთო სუპერლიგის 2014 წელი კი 17 იანვარს, საქართველოს თასის გათამაშებით დაიწყება.