“ა” ლიგის პლეი ოფი 12 აპრილს იწყება

საკალათბურთო “ა” ლიგაში გადამწყვეტი მატჩების დრო დადგა. ხუთშაბათიდან სტარტს იღებს პლეი ოფი, რომლის გამარჯვებულიც “ა” ლიგის ჩემპიონი გახდება და მომავალი, 2018-2019 წლების სეზონის სუპერლიგის საგზურს მოიპოვებს. პლეი ოფში 4 გუნდი გავიდა, რომლებიც ნახევარფინალში დაწყვილდნენ. რეგულარული ჩემპიონატის გამარჯვებული “თსუ-ჰიუნდაი” მეოთხეზე გასულ კავკასიის საერთაშორისო უნივერსიტეტის გუნდს (კსუ) შეხვდება, ხოლო მეორეადგილოსანი “ტიტები” “არენას” დაუპირისპირდება.

ნახევარფინალური სერია 2 მოგებამდე გაგრძელდება. პირველი მატჩები, 12 აპრილს გაიმართბა, ხოლო მეორე – 14 აპრილს. თუკი რომელიმე სერიაში ანგარიში გათანაბრდება, მესამე, გადამწყვეტი მატჩი 16 აპრილს ჩატარდება. პლეი ოფის ყველა მატჩს თბილისის ოლიმპიური სასახლე უმასპინძლებს (იხილეთ კალენდარი).