Teams
გალერეა
3X3 კალათბურთში საქართველოს ჩემპიონატის ფინალში იმერეთის რეგიონს გუნდი „ქუთაისი“ – დიმიტრი დვალიშვილის, გიორგი კილაძის, უჩა გამრეკლიძის და ირაკლი მაცაბერიძის შემადგენლობით წარმოადგენს. ამ გუნდმა საქართველოს ჩემპიონატის მორიგ, ქუთაისში გამართული ტურის ფინალში „ქორები“ (ბექა ქორიძე, ავთო ლომინაშვილი, რომა ტუკვაძე, თორნიკე ვარდოსანიძე) დაამარცხა.
ქუთაისში თავი 8 გუნდმა მოიყარა, რომლებიც 2 ჯგუფში განაწილდა. თითო ჯგუფიდან ნაევარფინლში 2–2 გუნდი გავიდა: „ა“ ჯგუფიდან AND1 და „ქუთაისი“, „ბ“–დან „ქორები“ და „ბრატები“. ამ უკანასკნელმა წინა დღეს, ზუგდიდში გამართული ტური მოიგო, თუმცა საქართველოს ჩემპიონატის ფინალური ეტაპის საგზური ვერ მოიპოვა. ქუთაისში კი „ბრატებს“ შანსი ჰქონდათ, გამარჯვების შემთხვევაში ფინალურ ეტაპზე გასულიყვნენ, რადგან თავის რეგიონ – იმერეთის ტურში იღებდნენ მონაწილეობას.
„ბრატებს“ ნახევარფინალში „ქუთაისი“ გადაეღობა, ხოლო მეორე, ასევე დაძაბულ ნახევარფინალში „ქორებმა“AND1 13:12 დაამარცხეს. ფინალური მატჩი ნაკლებად საინტერესო გამოდგა. „ქუთაისმა“ „ქორებთან“ თავიდანვე სოლიდური უპირატესობა მოიპოვა და ლიდერობა ბოლომდე შეინარჩუნა. ფინალის საბოლოო ანგარიშია 17:12 „ქუთაისის“ სასარგებლოდ.
მეორე ადგილზე გასული „ქორები“ და ჩემპიონი „ქუთაისი“ ქუთაისის სასპორტო გაერთიანების მმართველმა ზვიად ცერცვაძემ და სპორტისა და ახაგაზრდობის საქმეთა სამსახურის უფროსმა ვანო ბუაჩიძემ დააჯილდოვეს.
