შედეგები
„სოხუმი“ აღმავლობის
გზაზეა. უხეიროდ დაწყებული ჩემპიონატის შემდეგ ვაჟა კვარაცხელიასა და ლიკა ქაჯაიას
გუნდი შედეგებს აუმჯობესებს. სოხუმელებმა ზედიზედ მესამე მატჩი მოიგეს, რაც სხვა ასაკობრივ
ჩემპიონატებზე გაცილებით დაბალანსებული 20-წლამდელთა ჩემპიონატისთვის კარგი შედეგია.
„სოხუმმა“ მორიგი
გამარჯვება „მგზავრები-არმიასთან“ მოიპოვა. გასულ კვირას კი კვარაცხელიას გუნდმა რუსთავში
იმარჯვა. დღევანდელი შეხვედრა საკმაოდ დაძაბული გამოდგა. მართალია, „სოხუმმა“ პირველი
ტაიმი 7 ქულით მოუგო არმიელებს, თუმცა მეორე 5-ით დათმო და თამაში თანაბარ კალაპოტს
დაუბრუნდა.
მეტ-ნაკლებად
თანაბარი თამაში მიდიოდა ბოლო მეოთხედამდე, რომელიც სოხუმელებმა დაცვის ხარჯზე
16:7 მოიგეს და საბოლოოდ 12-ქულიანი გამარჯვება გაიფორმეს – 66:54. გამარჯვებულთაგან
საუკეთესო კოტე ბიწაძე გახლდათ, რომელმაც 18 ქულა და 17 მოხსნა მიითვალა. 16 ქულა მოაგროვა
ლუკა ბულიავამ, რომა კვერნაძემ პირად ანგარიშზე 10 ქულა ჩაიწერა. დამარცხებულთაგან
11-11 ქულა დააგროვეს თორნიკე გაგუამ და მამუკა ბაზუაშვილმა.
მეორე შეხვედრა
20-ქულიანი სხვაობით დასრულდა. „აკადემიამ“ ბოლო მეოთხედში გატეხა „ქუთაისი“ და
85:65 გაიმარჯვა. იმერული კლუბი ბოლო ადგილზეა და რაც შეეძლო, წინააღმდეგობა გაუწია
ჩემპიონატის ერთ-ერთ საუკეთესო გუნდს, თუმცა გამარჯვების მოსაპოვებლად ძალები არ ეყო.
„აკადემიაში“
16 ქულით ბომბარდირი გიორგი გვიანიძე გახდა, 10-10 ქულა მოიპოვეს საბა ჯაყელმა და ნიკა
ღურწკაიამ, ნიკა დარბაიძის ანგარიშზე კი 8 ქულა და 11 მოხსნა დაგროვდა. „ქუთაისში“
21 ქულით რატი ნუცუბიძე გამოირჩა, ხოლო ირაკლი მაცაბერიძემ 15 ქულა მიითვალა.
20-წლამდელთა
მორიგი მატჩები ხვალ, საკალათბურთო აკადემიაში გაიმართება.
