სტატისტიკა 20-წლამდელთა
ჩემპიონატის ერთ შეხვედრას უმასპინძლა დღეს ქუთაისმა, სადაც მასპინძელი გუნდი ,,მაკაბს’’
დაუპირისპირდა. ქუთაისლებმა სეზონის წარუმატებელი სტარტის და 7 მარცხის შემდეგ ზედიზედ
მეორე გამარჯვება მოიპოვეს – 81:65.
ამ ორი გუნდის
პირველი მატჩი ,,მაკაბელთა’’ გამარჯვებით დასრულდა, დღეს კი ქუთაისურმა გუნდმა რევანში
აიღო და მეტოქე იოლად დაამარცხა. თამაში თავიდანვე
ქუთაისელთა უპირატესობით წარიმართა, პირველი მეოთხედი მასპინძლებმა 20:15 მოიგეს, მეორე
პერიოდში კი სტუმრებმა უფრო გამოასწორეს თამაში და დიდი შესვენებისთვის სხვაობა 3 ქულამდე
დაიყვანეს – 36:33.
მატჩის ბედი ,,ქუთაისმა’’
მესამე მეოთხედში გადაწყვიტა. მაცაბერიძის და ბირკაიას ლიდერობით მასპინძლებმა მეტოქეს
17:0 გაქცევა მოუწყვეს და 19 ქულით გალიდერდნენ
– 60:41. ამის შემდეგ სტუმრების მონდომების მიუხედავად სხვაობა მნიშვნელოვნად აღარ შემცირებულა
და თამაში ისე ჩამთავრდა, სიტუაცია არ დაძაბულა.
გუჯა ბირკაიამ
‘’ქუთაისს’’ 19 ქულით და 13 მოხსნით ულიდერა, ორმაგი დუბლი შეასრულეს ირაკლი მაცაბერიძემ
(17ქულა, 10მოხსნა) და ლადო ფურცხვანიძემაც (10ქულა, 11მოხსნა), დავით წივწივაძის ანგარიშზე
კი 11 ქულა დაგროვდა.
ორივე გუნდის
რიგებში საუკეთესო იყო გიგი მელაძე, რომელმაც ,,მაქაბელებს’’ 24 ქულით ულიდერა, დავით
ქარციძეს კი ორმაგ დუბლამდე ერთი მოხსნა დააკლდა – 17ქულა, 9მოხსნა.
ამ წელს 20-წლამდელთა
ჩემპიონატის ბოლო შეხვედრა ხვალ რუსთავში გაიმართება, სადაც ადგილობრივი გუნდი ,,აკადემიას’’
უმასპინძლებს.
მატჩისშემდგომი კომენტარები
შოთა ჯავახიშვილი(,,ქუთაისის’’ მწვრთნელი): ამდენი
მარცხის შემდეგ გამარჯვება მოვიპოვეთ და ძალიან გახარებულები ვართ, ბიჭებმა კარგად
ითაშეს და სერიოზული მეტოქე დაამარცხეს. დღეს იღბალიც ჩვენს მხარეს იყო და მივულოცავ
ჩვენს გუნდს ამ წარმატებას. სასიამოვნოა, რომ წლის ბოლო თამაში მოვიგეთ, ვარჯიშებს
უფრო მონდომებულები და მოტივირებულები გავაგრძელებთ და იმედია, მომდევნო წრეს უკეთ ჩავატარებთ.
ლაშა ელბაქიძე(,,მაქაბის’’
მწვრთნელი): ძალიან ბევრი შეცდომა დავუშვით, განსაკუთრებით ცუდად
დაცვაში ვითამაშეთ, ბავშვური შეცდომები გვქონდა და დავმარცხდით. მივულოცავ ,,ქუთაისს’’
გამარჯვებას.
