ესპანეთის პრიმერადივიზიონში მორიგი მარცხი იწვნია მარკიზ ჰეინსისა და ტორინ გრინის „გრან კანარიამ“. ქართული პასპორტის მქონე ამერიკელთა გუნდი სტუმრად „ფუენლაბრადას“ შეხვდა და დაძაბულ ბრძოლაში 4 ქულსი სხვაობით – 65:69 წააგო.
ტრადიციულად სასტარტო ხუთეულში იყო მარკიზ ჰეინსი, რომელმაც მოედანზე გატარებულ 17 წუთში 9 ქულა და 1 პასი მიითვალა. მან 7 სამქულიანიდან 3 ჩააგდო, ხოლო 1 ორიანი გაუცუდდა. რაც შეება გრინს, იგი სათადარიგოთა სკამიდან ჩაერთო თამაშში და მოედანზე 14 წუთი გაატარა. ამ ხნის განმავლობაში გრინმა 1 ორიანი და 3 სამქულიანი გააცუდა, 3 საჯარიმოდან კი 2 ჩააგდო და შეხვედრა, შესაბამისად, 2 ქულით დაასრულა. მას ასევე 4 პასი და 1 ჩაჭრა დაუგროვდა.
„გრან კანარია“ ამ წაგების შემდეგ კვლავ ცხრილის ფსკერზე დაეშვა. კანარიელებს 2 მოგება და 6 მარცხი აქვთ. მომდევნო შეხვედრას კუნძულელები 27 ნოემბერს შინ „ხუვენტუდთან“ გამართავენ.
