საქართველოს “ბ” ნაკრებმა პოლონეთთან ჩინეთში წააგო

საქართველოს ეროვნულმა „ბ“ ნაკრებმა ჩინეთის ქალაქ ნანტონში პირველი მატჩი გამართა. დავით უსტიაშვილისა და ირაკლი ხოშტარიას გაწვრთნილმა ქართველებმა სხვადასხვა ქალაქებში 2 ტურნირი მოილიეს და უკანასკნელი 3 მატჩის სათამაშოდ ნანტონში ჩავიდნენ.
საქართველოს მეტოქე პოლონეთის „ბ“ ნაკრები გახლდათ, რომელთანაც ჩვენს გუნდს ჩინურ ტურნირებში ორჯერ – 51:67 და 62:72 წაეგო. ვერც მესამე მცდელობა აღმოჩნდა წარმატებული. უსტიაშვილის გუნდმა ოთხივე პერიოდი დათმო და საბოლოოდ 58:81 წააგო.

საქართველოს ნაკრებში 16 ქულით ბომბარდირი გრიგოლ შვანგირაძე გახდა, გიორგი ორმოცაძის ანგარიშზე კი 10 ქულა დაგროვდა.
საქართველოს ნაკრები ჩინეთში 2 მატჩს გამართავს – 13 ივლისს რუმინეთთან და 14-ში ჩინეთთან, რის შემდეგაც სამშობლოში დაბრუნდება.