“ა” ლიგის საკვალიფიკაციო ტურნირში მონაწილეთა რეგისტრაცია დაიწყო

საკალათბურთო “ა” ლიგის საკვალიფიკაციო ტურნირში მონაწილეობის მსურველი გუნდების რეგისტრაცია დაიწყო. შეგახსენებთ, რომ სუპერლიგის ერთი საფეხურით დაბლა მდგომ “ა” ლიგაში 6 გუნდი მონაწილეობს, საიდანაც 4 მონაწილე ცნობილია – “დელტა გურჯაანი”, “გრიფინი კასპი” , “დინავია” და “ოლ ინ”. დარჩენილი 2 ადგილი ვაკანტურია და სწორედ ამისთვის იმართება საკვალიფიკაციო ტურნირი, რომლის საუკეთესო 2 გუნდი “ა” ლიგაში შევა.

დღეიდან 15 ნოემბრის ჩათვლით სწორედ იმ გუნდების რეგისტრაცია იწარმოებს, რომლებსაც საკვალიფიკაციოში მონაწილეობა სურთ. საკვალიფიკაციო ეტაპზე მონაწილე გუნდების რაოდენობის დადგენის შემდეგ განისაზღვრება გათამაშების ფორმატი.

რეგისტრაციისთვის ქვემოთ მითითებულ ელექტრონულ ფოსტაზე გამოაგზავნეთ გუნდის ოფიციალური სახელწოდება

ელ-ფოსტა: geosuperleague@gbf.ge