ჩვენ შევქმენით ისტორია! საქართველო 2023 წლის მსოფლიო ჩემპიონატზე ითამაშებს

არის მსოფლიოს თასის საგზური! 

ისტორიაში პირველად, საქართველოს კალათბურთელთა ეროვნული ნაკრები მსოფლიოს ჩემპიონატზე გავიდა, რისთვისაც ილიას ზუროსის გაწვრთნილ ნაკრებს 2 წლის მანძილზე ორი ჯგუფური ეტაპის დაძლევა მოუხდა და გადატანილი დიდი ბრძლების შედეგად სანუკვარ მიზანს მიაღწია.

საქართველოს ნაკრებმა პირველ ჯგუფურ ეტაპზე, რომელიც 2021-2022 წლების სეზონში ჩატარდა, 6 მატჩიდან 4 მოიგო და 4-გუნდიან ჯგუფში ესპანეთის შემდეგ მე-2 ადგილი დაიკავა. მეორე ჯგუფურ ეტაპზე ზუროსის გაწვრთნილმა გუნდმა ასევე 6 მატჩიდან 4-ში იმარჯვა და ესპანეთთან და იტალიასთან ერტად მსოფლიოს ჩემპიონატის საგზური მოიპოვა. 

საქართველო შეუერთდა ევროპიდან მსოფლიოზე გასულ შემდეგ გუნდებს: ესპანეთს, იტალიას, საბერძნეთს, გერმანიას, სლოვენიას, საფრანგეთს, ლიეტუვას, ფინეთს, ლატვიას…

ბოლო აკორდი იყო ისლანდიასთან დღეს, თბილისი არენაზე. გამარჯვებული გუნდი მსოფლიოზე გადიოდა, თუმცა ჯგუფში შექმნილი სატურნირო ვითარებიდან გამომდინარე ისლანდიას 4 ქულით გამარჯვება სჭირდებოდა. ჩვენმა ნაკრებმა ისტორია შექმნა, მატჩი 77:80 დასრულდა და პირველად საქართველომ მსოფლიო ჩემპიონატზე ასპარეზობის უფლება მოიპოვა!