საქართველოს ეროვნული ნაკრების გენერალური ვარჯიში ნიდერლანდებთან მატჩამდე

ბოლო ვარჯიში ნიდერლანდებთან მატჩამდე – ილიას ზუროსმა საქართველოს ნაკრები თამაშის წინა დღეს სრული დატვირთვის ავარჯიშა.ეს გახლდათ თორნიკე შენგელიას პირველი ვარჯიში, რომელმაც ძირითადად სათამაშო დეტალების დამუშავებით, კომბინაციების გათამაშებით და ბლომად ფარში სროლების ფონზე ჩაიარა.

საქართველოს ნაკრების 12-კაციანი შემადგენლობა ნიდერლანდებთან ასე გამოიყურება: გიორგი ცინცაძე, რატი ანდრონიკაშვილი, თად მაკფადენი, დუდა სანაძე, მერაბ ბოქოლიშვილი, კახა ჯინჭარაძე, ბექა ბურჯანაძე, თორნიკე შენგელია, მიხეილ ბერიშვილი, გიორგი შერმადინი, ბექა ბექაური, ილია ლონდარიძე.

თამაშზე დასასწრები ყველა ბილეთი უკვე გაყიდული იყო, საქართველოს ნაკრები ნიდერლანდებში რომ ჩამოვიდა. Topsportscentrum არენა, რომელიც 3000 მაყურებელს იტევს, სავსე იქნება. მასპინძლებს დიდი მხარდაჭერა ექნებათ და ჩვენს ნაკრებს იოლი გასეირნება რომ არ ელის, ეს ჩვენი გუნდის ყველა წევრს გაცნობიერებული აქვს.

გენერალური ვარჯიშის შემდეგ კომენტარები გააკეთეს ნაკრების მთავარმა მწვრთნელმა და მოთამაშეებმა – გიორგი შერმადინმა და დუდა სანაძემ.  

მატჩის პირდაპირ ტრანსლაციას 22:30 საათიდან საზოგადოებრივი მაუწყებლის პირველი არხი შემოგთავაზებთ.