ლუკა ბულაშვილის 28 ქულა და გამარჯვება ლიგის ლიდერთან

ახალგაზრდა ქართველი კალათბურთელის მორიგი წარმატებული მატჩი ესპანეთში. საქართველოს ეროვნული ნაკრების კანდიდატის, ლუკა ბულაშვილის “კულერედო” ესპანეთის რანგით მეოთხე ლიგაში ერთ-ერთ ლიდერ “ლეონს” შეხვდა და ქართველი ლეგიონერის ლიდერობით დაამარცხა, რითაც ცხრილში გაუთანაბრდა.

“კულერედომ” “ლეონს” ლაკორუნიაში უმასპინძლა და 95:88 დაამარცხა. ბულაშვილმა სასტარტო ხუთეულში ითამაშა და 34 წუთში 28 ქულა, 4 პასი, 5 ჩაჭრა და 2 მოხსნა მიითვალა. ლუკამ 8-დან 7 ორქულიანი, 11-დან 3 სამქულიანი და 6-დან 5 საჯარიმო ჩააგდო. ამ შედეგით ბულაშვილი ორივე გუნდის შემადგენლობაში საუკეთესო იყო.

ამ მატჩის შემდეგ “კულრედოს” და “ლეონს” 8 მოგება დ 3 მარცხი დაუგროვდათ და მეორე ადგილზე არიან, პირველზე კი 2 წაგების მქონე “ინოვაა”.