მიხეილ ბერიშვილის სასტარტო ხუთეული და მორიგი გამარჯვება სლოვენიის უმაღლეს ლიგაში

მეორე ტური და მიხეილ ბერიშვილის გუნდის მეორე გამარჯვება სლოვენიის ჩემპიონატში. „ზლოტოროგმა“ ლაშკოში „პორტოროჟს“ უმასპინძლა და 77:68 დაამარცხა. ქართველი ფორვარდი სასტარტო ხუთეულში იყო და გამარჯვებაშიც თავისი წვლილიც შეიტანა.
ბერიშვილმა მოედანზე მთლიანობაში 21:41 წუთი ითამაშა, რის განმავლობაშიც 7 ქულა, 2 მოხსნა და თითო ჩაჭრა-პასი მიითვალა. ბერიშვილმა 4-დან 3 ორქულიანი და 1 საჯარიმო ჩააგდო, ბურთი ორჯერ დაკარგა და 3 პერსონალური მიიღო.
გამარჯვებულთაგან თავი საშო საგრაცმა და იგორ ტრატნიკმა გამოიჩინეს. პირველმა 19 ქულა დააგროვა, მეორემ კი ორმაგი დუბლი – 18 ქულა და 10 მოხსნა მიითვალა.
მორიგ მატჩს ლაშკოელები 25 ოქტომბერს, სტუმრად „ცენტურთან“ გამართავენ.