შემოდგომის სეზონი FIBA-ს ევროტურნირებზე განსაკუთრებით დატვირთული და უხვი აღმოჩნდა ქართული საარბიტრო კორპუსისთვის. ნოემბრის განმავლობაში, ჩვენს მსაჯებსა და კომისარს ევროპის მასშტაბით უამრავი საინტერესო და პრინციპული დაპირისპირების მომსახურება მოუწევს. აი, როგორ გადანაწილდა ჩვენი არბიტრებისა და კომისრის ევროპული მარშრუტები:
მიხეილ ვართანოვი (მსაჯი) ქალთა ევროლიგისა და FIBA ევროპის თასის მაღალი რანგის მატჩებს მოემსახურება. ვართანოვი ნოემბერში ორ ცენტრალურ შეხვედრას გაუძღვება:
-
3 ნოემბერი — სტამბოლი (თურქეთი): ქალთა ევროლიგის შეხვედრა ადგილობრივ „ფენერბაჰჩესა“ და ესპანურ „ვალენსიას“ შორის.
-
18 ნოემბერი — პრიზრენი (კოსოვო): FIBA ევროპის თასი, სადაც ერთმანეთს კოსოვოური „ბაშკიმი“ და ბრიტანული „მანჩესტერი“ დაუპირისპირდებიან.
კირილე თვაური (მსაჯი) ნოემბერში მნიშვნელოვანი საერთაშორისო მატჩებით დაიტვირთება — მას FIBA-ს ტურნირების ორი შეხვედრა ჩაბარდა. მისი მარშრუტი საბერძნეთიდან თურქეთამდე გადაიჭიმება:
-
3 ნოემბერი — ათენი (საბერძნეთი): ქალთა ევროლიგა, სადაც ადგილობრივი „ათინაიკოსი“ ლიეტუვურ „კიბირკშტისს“ უმასპინძლებს.
-
18 ნოემბერი — სტამბოლი (თურქეთი): FIBA ევროპის თასის შეხვედრა სტამბოლის „ეროქსფორსა“ და ბულგარულ „რილსკი სპორტისტს“ (სამოკოვი) შორის.
მერაბ რატიშვილი (FIBA-ს კომისარი) გამოცდილ ქართველ კომისარს ნოემბერშიც საკმაოდ საპასუხისმგებლო და მრავალფეროვანი გრაფიკი ერგო თურქეთსა და აზერბაიჯანში:
-
3 ნოემბერი — ფამუქკალე (თურქეთი): FIBA ევროპის თასზე თურქული „დენიზლისა“ და დანიური „ბაკენ ბეარზის“ (ორჰუსი) მატჩის კომისარი.
-
11 ნოემბერი — ბაქო (აზერბაიჯანი): FIBA ევროპის თასის შეხვედრა „ნეფთჩსა“ და ბერძნულ „მიკონოსს“ შორის.
-
12 ნოემბერი — განჯა (აზერბაიჯანი): FIBA ევროპის თასი, სადაც „განჯა“ თურქულ „ეროქსფორს“ მიიღებს.
