ვიქტორ სანიკიძემ ესპანეთის ჩემპიონატში გაიბრწყინა, თუმცა მისმა კარგმა თამაშმა “სარაგოსა” წაგებისგან ვერ იხსნა. არაგონულმა გუნდმა რეგულარული ჩემპიონატის ბოლოსწინა ტურში “ლაბორალს” უმასპინძლა და ანგარიშით 75:88 დამარცხდა.
სანიკიძემ მოედანზე 28:51 წუთი გაატარა და არაგონელებს 16 ქულა, 7 მოხსნა (3 შეტევაში), 2 პასი, 2 ჩაჭრა და 1 დაფარება შესძინა. ვიქტორმა 8-დან 7 ორქულიანი და 3-დან 2 საჯარიმო ჩააგდო, ბურთი ერთხელ დაკარგა, 4 პერსონალური ფოლი მიიღო, მის წინააღმდეგ კი 5-ჯერ დაჯარიმდენ. საქართველოს ნაკრების ფორვარდის სარგებლიანობის კოეფიციენტმა 26-ს უწია, რაც ორივე გუნდის რიგებში საუკეთესო მაჩვენებელი იყო.
“სარაგოსას” პლეი ოფშ თამაში განაღდებული აქვს, თუმცა ამ წაგების შემდეგ სანიკიძის გუნდი მე-8ადგილამდე დაქვეითდა და მეოთხედფინალში რეგულარულის გამარჯვებულთან შეხვედრის არასახარბიელო პერსპექტივა აქვს.
ესპანეთის რეგულარული ჩემპიონატის ბოლო ტური 24-25 მაისს გაიმართება. “სარაგოსა” სტუმრად “მურსიას” შეხვდება, ხოლო ბექა ბურჯანაძის “კახასოლი” კატალონიაში “ბარსელონას” ესტუმრება.
