თორნიკე შენგელიას “პეპინსტერმა” ბელგიაში მორიგი გამარჯვება იზეიმა

თორნიკე შენგელიას „პეპინსტერმა“ ბელგიის ჩემპიონატში მორიგი გამარჯვება მოიპოვა. ვერვიერსელებმა ცხრილში მე–5 ადგილზე მყოფ „ანტვერპენს“ უმასპინძლეს და 82:71 დაამარცხეს.
 
19 წლის ქართველმა ფორვარდმა მხოლოდ 8 წუთი ითამაშა და მოედანი 2 ქულით, 1 პასით და 1 ჩაჭრით დაასრულა. შენგელიამ ერთადერთხელ, ისიც წარმატებით შუტია ანტვერპენელთა კალათს. მის გუნდში საუკეთესო კი ამერიკელი რაშან ფრიმენი გახლდათ 28 ქულით.
 
„პეპინსტერს“ 26 თამაშიდან 9 გამარჯვება აქვს და მე–6 ადგილზე იმყოფება. რეგულარული ჩემპიონატის დასრულებამდე კიდევ 10 ტური რჩება.