18-წლამდელთა 3×3 კალათბურთის ნაკრები ევროპის ჩემპიონატის შესარჩევ ეტაპზე დამარცხდა

საქართველოს 18-წლამდელთა 3×3 კალათბურთის ნაკრებმა ევროპის
ჩემპიონატის შესარჩევ  ეტაპზე მიიღო მონაწილეობა
და 2-დან ორივე მატჩში დამარცხდა. საქართველოსთან ერთად ჯგუფში ესტონეთისა და საფრანგეთის
ნაკრებები იყვნენ განთესილნი.

ქართველმა ახალგაზრდა კალათბურთელებმა ორივე მატჩი ხსენებული
ნაკრებების წინააღმდეგ 5 აგვისტოს გამართეს. პირველი მეტოქე საფრანგეთის ნაკრები იყო,
რომელთანაც ჩვენმა ბიჭებმა კარგად დაიწყეს, თუმცა შეხვედრის მეორე ნახევარში დაცვა
მოადუნეს და 21:9 დამარცხდნენ. რაც შეეხება მეორე მეტოქე ესტონეთს, ჩვენმა ნაკრებმა
ტოლი არც მათ დაუდეს და ოვერტაიმში დასანანი მარცხი განიცადეს – 12:10.

საქართველოს ნაკრების ღირსებას ნიკა ყირიმელი, გიორგი კუჭავა, გიორგი კვაჭანტირაძე და ტატო ოთიაშვილი
იცავდნენ.