საქართველოს კალათბურთის მსაჯთა კავშირი სეზონისწინა სამსაჯო კლინიკას გამართავს

ახალი საკალათბურთო სეზონის წინ, საქართველოს კალათბურთის ეროვნული ფედერაციისა და საქართველოს მსაჯთა კავშირის ორგანიზებით, თბილისში, სასტუმრო „ჰილტონ გარდენ ინში“ (ჭავჭავაძის გამზ. 64ა) მასშტაბური წინასამსაჯო და სამწვრთნელო კლინიკა – Referees & Coaches Pre-Season Clinic 2026 გაიმართება.

ორდღიანი სემინარი 30 სექტემბერსა და 1 ოქტომბერს ჩატარდება. ღონისძიების მთავარი და განსაკუთრებული სტუმარი იქნება მანუელ მაზონი  – FIBA Europe-ის მსაჯთა დეპარტამენტის ხელმძღვანელი, რომელიც ქართველ მსაჯებსა და მწვრთნელებს თავის მდიდარ გამოცდილებას გაუზიარებს.

კლინიკის ფარგლებში დეტალურად განიხილება შემდეგი ძირითადი თემები:

• FIBA-ს წესების ცვლილებები (FIBA Rule Changes 2026) – ახალი რეგულაციები და სიახლეები, რომლებიც მიმდინარე სეზონიდან ამოქმედდება.

• FIBA-ს ოფიციალური პროტოკოლები (FIBA Protocols) – თამაშის მართვისა და თანამედროვე სტანდარტების შესაბამისი პროტოკოლები.

• მწვრთნელთა და მსაჯთა კომუნიკაცია (Communication Coaches & Referees) – მოედანზე ეფექტური, პროფესიონალური ურთიერთობისა და თანამშრომლობის გაუმჯობესების გზები.

ღონისძიების დევიზია „Together for a Better Game“ („ერთად უკეთესი თამაშისთვის“), რაც კიდევ ერთხელ უსვამს ხაზს მსაჯებისა და მწვრთნელების მჭიდრო თანამშრომლობის მნიშვნელობას ქართული კალათბურთის განვითარების პროცესში.