აკადემია 14-წლამდელთა ჩემპიონია

14-წლამდელთა ჩემპიონი აკადემია გახდა, რომელმაც ქუთაისის გუნდი ფინალური სერიის მეორე მატჩში 86:73 დაამარცხა, სერიაში 2:0 იმარჯვა და ჩემპიონის ტიტული მოიპოვა.  მატჩი თავიდანვე აკადემიელთა სასარგებლოდ დაიწყო, რომლებიც საწყის მეოთხედში 21:15 დაწინაურდნენ, ხოლო დიდ შესვენებაზე  20-ქულიანი სხვაობით, 50:30 გავიდნენ. აკადემიამ მოპოვებული უპირატესობა მესამე მეოთხედშიც შეინარჩუნა (75:55), ქუთაისლებმა კი ვერც დასკვნით პერიოდში მოახერხეს თამაშში გარდატეხის შეტანა და ვერცხლის მედლებს დასჯერდნენ.