მარკოიშვილის “კანტუმ” ევროლიგაში პირველი გამარჯვება მოიპოვა

სულ ცოტა დააკლდა ვიქტორ სანიკიძის „სიენას“, რომ ევროლიგის მიმდინარე გათამაშებაში პირველი გამარჯვება ეზეიმა, მაგრამ… იტალიურმა გუნდმა მალაგაში, მასპინძელ „უნიკახასთან“ დამატებით დროში – 89:91 წააგო და სამი ტურის შემდეგ B ჯგუფში ბოლო ადგილზეა.
სანიკიძემ შედეგიანად ითამაშა. მან მატჩში ყველაზე მეტი – 13 მოხსნა დააგროვა, საიდანაც 9 მეტოქის ფარზე მოიპოვა. აღსანიშნავია, რომ ამ მხრივ მოედანზე მყოფთაგან ქართველის შემდეგ საუკეთესო შედეგის მქონე კალათბურთელს 6 მოხსნა ჰქონდა. ვიქტორს  2 ქულა დააკლდა ორმაგ დუბლამდე, მან შეხვედრა 8 ქულით დაასრულა. სანიკიძემ 5 ცდიდან მხოლოდ 1 ორქულიანი, 1–დან 1 სამიანი და 4–დან 3 საჯარიმო ჩააგდო. 8 ქულასა და 13 მოხსნასთან ერთად სანიკიძეს 1 პასიც ჰქონდა. მარგი ქმედების კოეფიციენტით იგი სიენელთაგან მხოლოდ ბობი ბრაუნს ჩამორჩა, ვინაც 22 ქულა და 6 პასი მიითვალა.
ბოლო მეოთხედის წინ სიენელები 11 ქულით იგებდნენ და გამარჯვებასთანაც ახლოს იყვნენ, თუმცა ძირითადი დროის დასრულებამდე დარჩენილ 10 წუთში ეს უპირატესობა გაფლანგეს და მატჩისთვის განკუთვნილი 40 წუთი 80:80 დასრულდა. სანიკიძე ოვერტაიმში  მოედანზე იმყოფებოდა. თანაბარ ბრძლაში მიმდინარე მატჩის ბოლო წუთები მასპინძლებმა უკეთ ჩაატარეს და საბოლოოდ 2 ქულის სხვაობით გაიმარჯვეს – 91:89.
„სიენას“ მსგავსად, ამ ტურამდე მოგება არ ჰქონდა მანუჩარ მარკოიშვილის „კანტუს“, თუმცა იტალიურმა გუნდმა ნავსის გატეხვა მოახერხა. „კანტუმ“ რუსულ „ხიმკის“ უმასპინძლა და ზედმეტი გართულების გარეშე – 67:54 დაამარცხა. ქართველმა უკანახაზელმა მოედანზე 29 წუთი გაატარა და 6 ქულასთან ერთად 4 მოხსნა, 4 პასი და 3 ჩაჭრა მოინაგრა. მანუჩარმა 6–დან 1 ორქულიანი, 4–დან 1 სამიანი და 2–დან 1 საჯარიმო ჩააგდო.
მასპინძელთაგან მარკოიშვილს მესამე შედეგი ჰქონდა. მასზე უკეთესი სტატისტიკა პიეტრო არადორიმ (13 ქულა, 8 მოხსნა) და ჯერი სმიტმა (10) აჩვენეს. ხიმკელთაგან კი 10–10 ქულა მოაგროვეს ვიტალი ფრიძონმა და ზორან პლანინიჩმა.
მეოთხე ტური 1 და 2 ნოემბერს გაიმართება. „კანტუ“ მადრიდში „რეალს“ შეხვდება, ხოლო , „სიენა“ „შალონს“ უმასპინძლებს.
 

კანტუ–ხიმკი. ბურთით მანუჩარ მარკოიშვილი
 A ჯგუფი
რეალი                           2          1          253      239      14
პანათინაიკოსი           2          1          241      228      13
ფენერბაჰჩე                 2          1          248      238      10
კანტუ                           1          2          214      216      -2
ოლიმპია                     1          2          226      237      -11
ხიმკი                           1          2          220      244      -24
B ჯგუფი
მაკაბი                             3             0             245         209         36
ალბა                                2             1             232         230         2
უნიკახა                          2             1             248         249         -1
 პროკომი                        1             2             226         224         2
შალონი                          1             2             213         238         -25
სიენა                               0             3             239         253         -14